Семејство Велија

Семејството Велија е познато бизнис-семејство во Македонија, кое ја поседува компанијата „ВеВе груп“ и телевизијата Алсат-М. „ВеВе груп“ е една од поголемите консултантски компании во земјата и нуди услуги во енергетиката, транспортот, животната средина и во други области.

Работи со државни институции и со големи компании од повеќе земји во регионот. Телевизијата Алсат-М е фирма-ќерка на „ВеВе груп“. Клучниот носител на бизнис-одлуките во семејството се смета дека е Ферик Велија, генералниот директор на „ВеВе груп“ и на трговското радио дифузно друштво Алсат-М.

Иако е управител и одговорно лице на двете семејни компании, тој има многу мал сопственички удел во нив, само 0,07 отсто од телевизијата Алсат-М.

Во „ВеВе груп“ е сопственик на 99,86% од Алсат-М, а сопствеништвото на компанијата го делат мајката на Ферик, Имихане Велија со 88% и неговата сопруга Зана Велија со 12%.

Зана Велија работи како проектен менаџер во „ВеВе груп“, додека Имихане Велија, освен што е присутна во сопственичката структура, не се појавува во јавноста и нема видлива улога во семејните бизниси.