Марјан Гушев

Марјан Гушев е еден од основачите на Антена 5 и на интернет-страницата на радиото е наведен како менаџер. Тој е исто така професор на Факултетот за информатички науки и компјутерско инженерство (ФИНКИ) на Универзитетот Св. Кирил и Методиј во Скопје. Гушев е вклучен во повеќе приватни бизниси. Сопственик и управител е на софтверската компанија Иновејшн и сопственик на Иновејшн Академи. Како сосопственик заедно со други партнери се јавува во компанијата за телемониторинг медицина Мединтелиџенс и во компанијата Агри Инфонет, која своевремено управувала со сајт што објавува земјоделски вести, но тој веќе не функционира.