Alfa
Television Alfa u krijua si një projekt nga një grup biznesmenësh maqedonas nga sektorë të ndryshëm, të cilët bashkuan forcat për të hyrë në biznesin e medias. Më 2008, kompanitë Fersped (transport), Makosped (Transport), Tehnometal Vardar (tregti), dhe Europa (manifakturë veshjesh) blenë kompaninë Alfa Skopje nga biznesmeni grek Dimitris Kondominas. Alfa, nën emrin e mëparshëm TV Skopje, kishte një lincencë për televizion lokal që nga viti 1998 dhe kishte programe dëfrimi pa përmbajtje të të drejtës së autorit. Pas blerjes nga grupi i biznesit, kompania aktuale e transmetimeve Alfa u krijua, me investime të mëdha në pajisje, staf dhe studio për një projekt ambicioz mediatik. Personi më me ndikim në televizion në atë kohë ishte biznesmeni Sterjo Nakov, kompania Fersped e të cilit kishte paketën më të madhe të aksioneve, me 57%. Nakov, krahas partnerëve të tij, konsiderohej një biznesmen me ndikim që u shfaq në tranzicionin post-socialist nga pronësia publike nën pronësinë private në vitet 1990 dhe shikohej si njeri afër partisë SDSM, e cila në at ëkohë ishte në pushtet. Më 2012 një ndryshim drastik ndodhi kur paketa e Fersped në televizion u ble nga biznesmeni serb Veselin Jevrosimovic përmes kompanisë së tij CHS Invest. Një vit më vonë, Alfa mori licencë kombëtare por ndryshoi tërësisht politikën e vet editoriale, duke ndryshuar nga kritik në mbështetës të partisë në pushtet, VMRO-DPMNE. Pas ndryshimit në vitin 2017, Alfa mbeti i vetmi televizion kombëtar me politikë editoriale të krahut të djathtë, pranë VMRO-DPMNE. Në të njëjtin vit pati njëndryshim në pronësi kur Jevrosimovic shiti shumicën e aksioneve te hungarezi Peter Schatz (99 për qind) dhe te biznesmeni serb Goran Balac (një për qind). Ky ndryshim nuk solli ndryshime dramatike në politikën editoriale apo në skuadrën redaksionale.
Pjesa e audiencës
Tëdhënatmungojnë
Lloj pronësie
Private
Mbulimi gjeografik
Kombëtare
Llloji përmbajtjes
Falas
Kompani/Grupe mediatike
TRD Alfa
Struktura e pronësisë
Alfa TV është tërësisht nën pronësinë e "Alfa Skop". Nga kjo kompani, 57 për qind e aksioneve janë nën pronësinë e "CHS Invest", ndërsa paketa të tjera prej 17, 15 dhe 11 për qind i përkasin kompanive "Makoshped", "Europa" dhe "Tehnometal Vardar", e cila ka shpallur falimentin. Pronarët e "CHS Invest" janë Goran Balac me 1 për qind dhe kompania "Target Media" me 99 për qind. "Target Media" është tërësisht nën pronësinë e hungarezit Peter Schatz, gjë që e bën atë pronarin kontrollues fundor të këtij kanali televiziv.
Pronar indvidual
Grup / Pronar indvidual
Makosped
Makosped është një kompani aksionere për transport ndërkombëtar. Aksionet më të mëdha mbahen nga kompania tregtare me shumicë dhe pakicë MEPKOM, nën pronësinë e Koco dhe Marika Mocan dhe kompanisë aksionere Lotaria e Maqedonisë së Veriut.
Tehnometal Vardar
Tehnometal Vardar është një shoqëri aksionere për tregti të specializuar. Ajo është e falimentuar. Personi i autorizuar i kompanisë është Koco Mocan.
Informacion i përgjithshëm
Viti themelimit
2008
Interesat e lidhur të themeluesit
Në kohën e themelimit të televizionit "Alfa", kompania themeluese "Alfa Skop" ishte nën pronësinë e katër kompanive, nga të cilat, "Fersped" kishte paketën dominuese me 57 për qind të aksioneve ndërsa pjesa tjetër e aksioneve ishin të shpërndara mes "Fersped" (17%), "Evropa" (11%) dhe "Tehnometal Vardar" (15%). Pronari i "AD Fersped" ishte biznesmeni Sterjo Nakov, i cili konsiderohet gjithashtu si themeluesi i televizionit. Nakov ishte një nga biznesmenët më të fuqishëm në vend në vitet 1990 dhe në fillim të viteve 2000 dhe ishte i përfshirë në anije, verari, turizëm dhe biznese të tjera.
Interesat e lidhur të administratorit
Është regjisor maqedonas i cili ka drejtuar mbi dhjetë filma, serialë televizivë dhe dokumentarë. Ai nuk ka karrierë të njohur gazetareske dhe as eksperiencë të dukshme më industrinë e lajmeve deri në pikën kur u emërua drejtor ekzekutiv në televizionin "Alfa" në vitin 2019.
Interesat e lidhur të kryeredaktorit
Është diplomuar në gazetari dhe ka një karrierë prej dy dekadash të gjatë, të cilën e nisi si reporter në televizionin "Kanal 5". Ai ka punuar gjithashtu për televizionin "A1", tashmë i mbyllur, si dhe në “Radio Televizionin Maqedonas”. Ai u bë pjesë e "Alfa" fillimisht më 2013 ndërsa në vitin 2020 iku në Shtetet e Bashkaura, ku punoi te “Zëri i Amerikës” për dy vjet. Kur u kthye në shtëpi, ai u kthye te "Alfa", ku u emërua kryeredaktor në dhjetor 2022.
Kontakt
Adresa: Kacanicki pat, Vizbegovo BB, 1000 Shkup
еmail: alfatv@alfa.mk
tel: +389922600370
website: www.alfa.mk
Të dhëna financiare
Të ardhura (in Mil. USD)
2.09 Mln $ / 122.64 Mln. MKD
Fitim operativ (në Mil. USD)
6.987 $ / 409.465 MKD
Reklamat (si % e financimit total)
627.817 $ / 36.79 Mln. MKD (30%)
Pjesa e tregut
3.02%
Më shumë informacion
https://prizma.mk/firmata-sopstvenik-na-tv-alfa-obvineta-za-danochno-zatajuvane/ [Фирмата-сопственик на ТВ Алфа обвинета за даночно затајување]. Hetim për evazion fiskal hapet kundër kompanisë themeluese të Alfa (2021). Aksesuar në 04/07/2023
Meta Data
Struktura e pronësisë dhe raportet financiare mbështeten në të dhënat e marra nga Regjistri Qendror i Republikës së Maqedonisë së Veriut. Dokumentet u morën më 25. 07.2023 bazuar në vendimin e qeverisë të vitit 2017 për akses të lirë për gazetarët investigativë. Informacioni financiar i përket vitit 2022. Për llogaritjen e shumave në USD është përdorur kursi mesatar i këmbimit për vitin 2022, dhënë nga Banka Kombëtare e Republikës së Maqedonisë së Veriut.
