PBC Macedonian Radio and Television

Kompania e Transmetimeve Publike Radio Televizioni Maqedonas është shërbimi kombëtar i transmetimeve në Republikën e Maqedonisë së Veriut. Ajo përbëhet nga dy njësi prodhimi: televizioni dhe radio. Në formën e saj aktuale, MRT ka ekzistuar që nga viti 1993, kur u themelua nga parlamenti. Deri në atë kohë, ajo funksiononte si vijim i Televizionit të Shkupit, i cili vepronte që nga viti 1964 dhe Radio Shkupi, e themeluar në vitin 1944. Transmetuesi kombëtar veprin në interes të publikut dhe transmeton programe me përmbajtje informative, shkencore dhe edukative, kulturore, sportive dhe lloje të tjera përmbajtjeje. MRT operon tetë shërbime televizive: MRT1, MRT2, MRT3, MRT4, MRT5, Kanali i Parlamentit, MRT 1 SAT, MRT 2 SAT, si dhe 4 shërbime Radio MR1, MR2, MR3 dhe MR SAT. Kanalet në vetvete janë ndarë sipas gjuhës në të cilën transmetojnë programin: maqedonishtja dhe shqipja dhe gjuhët e minorancave të tjera (turqisht, serbisht, romisht, vllahisht dhe në gjuhën e Bosnjës). Një nga kanalet televizive transmeton programe për fëmijë 24 në ditë. Një tjetër, kanali i parlamentit, transmeton në kohë reale seancat e parlamentit, institucionit themelues të MRT. Çdo shërbim ka një redaktor përgjegjës. MRT menaxhohet nga një drejtor i përgjithshëm, i cili zgjidhet nga këshilli i progracionit, i cili nga ana e vet zgjidhet nga parlamenti. Drejtori aktual është zgjedhur 11 vjet më parë, por mandati i tij ka skaduar tre vjet më parë; për shkak të një bllokade në parlament për zgjedhjen e trupit të ri që duhet të emërojë një drejtor të ri, nuk është zgjedhur pasardhësi. E gjitha kjo komplikon reformën e nevojshme në transmetuesin publik, i cili është kritikuar në raportet vjetore të Komisionit Evropian për progresin. Ata vërejnë se shteti ka dhënë fonde të pamjaftueshme për punën e shërbimit publik që prej vitesh, gjë që prek cilësinë e punës dhe pavarësinë e institucionit. MRT-ja duhet të ketë një politikë editoriale të pavarur, por praktika tregon të kundërtën. Puna e saj ndikohet fort nga partia e cila ka qenë në pushtet kur janë zgjedhur drejtuesit e saj. Deri më 2017, MRT u financia nga tarifa e transmetimit dhe nga buxheti i shtetit. Qeveria e kohës e hoqi taksën kështu që tani burimi kryesor i financimit është buxheti i shtetit, krahas shitjes së reklamave. MRT është anëtar i Bashkimit Evropian të Transmetuesve (EBU).