Goran Ivanovski
Goran Ivanovski është i biri i Ljubisav Ivanov-Zingo, një ish-biznesmen, politikan dhe anëtar jetëgjatë i parlamentit të Maqedonisë. Përmes kompanisë "Monteko", Ivanovski mori televizionin nga i ati në vitin 2003 dhe deri më 2017 ishte menaxher i kësaj mediaje. Nën udhëheqësinë e Ivanovskit, "Sitel", u bë një nga aleatët kryesorë mediatikë të qeverisë së ish-kryeministrit Nikola Gruevski gjatë të gjithë kohës që ai qeverisi nga viti 2006 deri më 2017. Mes viteve 2010 dhe 2017, televizioni mori shumicën e parave të dhëna nga qeveria e vendit përmes reklamave, 10.2 milionë euro.
Pronari dhe stacioni televiziv u implikuan në një skandal manipulimi tenderi më 2015. Një bisedë mes Goran Ivanovskit dhe një ministri që negocionin mbi manipulimin e tenderëve u bë publike për shkak se ishte pjesë e përgjimit masiv të bisedave telefonike që u publikuan në atë kohë nga kreu i opozitës Zoran Zaev.
Ivanovski është pronari më i madh individual i "AD Sileks" me 36.66 për qind të aksioneve, pasuar nga motra e tij Rozeta Dimitrovska me 27.19 për qind të aksioneve. Përmes kompanisë aksionere "Sileks", Ivanovski dhe motra e tij shfaqen si pronarë të shumë kompanive të angazhuara në aktivitete të ndryshme.
"AD Sileks" është sponsori kryesor i skuadrës së futbollit me të njëjtin emër nga Kratovo, e cila ka dalë kampione e ligës së parë të Kampionatit Maqedonas tre herë përgjatë periudhës 1993 dhe 1999. Gjatë kësaj kohe president i federatës së futbollit ishte babai i Ivanovskit, Ljubisav Ivanov-Zingo.
Biznes
Hoteleri Turizëm
AD Sileks (Sileks Hotel)
AD Sileks (Kratis)
Sileks Hotel
Miniera
Sileks Mining
Industri tekstile
Siltekst ST
Transport
Siltrans
Grenadier
Industria Kimike
Silpen ST
Prodhimi i pijeve
Magroni
Tregtia me preparate mjekësore dhe kozmetike
Herba Medica
Prodhimi i verës
Castelman
Ndërtimi
Bogman
Familjarë & miq
Interesat e lidhura të anëtarëve të familjes
Babai i pronarit aktual të TV Sitel, është një biznesmen i rëndësishëm maqedonas i cili ndërtoi perandorinë e vet të biznesit mbi themelet e kompanisë shtetërore që ai menaxhontenë çastin kur Maqedonia e Veriut u bë shtet i pavarur më 1991. Në të njëjtën kohë, ai ishte anëtar i parlamentit të Maqedonisë në të gjitha përbërjet nga pavarësia e vendit deri më 2011, kur ai ishte president i Partisë Socialiste të Maqedonisë nga viti 1996 deri në vdekjen e tij më 2020.
Bashkëshorte e Goran Ivanovskit, pronare e vreshtarisë dhe kantinës së verës Castelman dhe e kompanisë së tregtisë me shumicë Herba Plus, e cila tregton ilaçe, suplemente ushqimore dhe çajra organikë.
Motra e Goranit, me të cilën ai bashkërisht ka nën pronësi shumë kompani. Ata kanë dy hotele, njënë Ohër, hotelin Sileks dhe një në Kratovo – Kratis. Ata kanë gjithashtu nën pronësi fabrikën e tekstileve Silteks ST, kompaninë e transportit dhe spedicionit Siltrans, ndërsa në Kratovo kaë nën pronësi kompaninë e vetme të shërbimeve bazë në vend, Silcom; ata janë të përfshirë në nxjerrjen e gurit përmes kompanisë Sileks mining, kanë një fabrikë për procesimin e tabletave plastike dhe kimikateve Silpen ST dhe një kompani që merret me bujqësi dhe është e regjistruar si thertore - Zemsil. Vëllai dhe motra Ivanovski dhe Dimitrovska kanë nën pronësi marka të mirënjohura të ujit mineral - Ladna dhe Dobra voda përmes kompanisë Magroni.
Më shumë informacion
Meta Data
Struktura e pronësisë dhe raportet financiare mbështeten në të dhënat e marra nga Regjistri Qendror i Republikës së Maqedonisë së Veriut. Dokumentet u morën më 25. 07.2023 bazuar në vendimin e qeverisë të vitit 2017 për akses të lirë për gazetarët investigativë. Informacioni financiar i përket vitit 2022. Për llogaritjen e shumave në USD është përdorur kursi mesatar i këmbimit për vitin 2022, dhënë nga Banka Kombëtare e Republikës së Maqedonisë së Veriut.
