Minco Jordanov

Minco Jordanov ka nën pronësi ose kontrollon shumë biznese të mëdha në metalurgji, ndërtim, shëndetësi, ushqim dhe prodhim vere, etj. Perandoria e tij e biznesit, më së shumti e fokusuar te biznesi i metaleve, gjendet përgjithësisht përreth kompanisë "Repro One Limited", e cila është e regjistruar offshore në Ishujt Virxhin Britanik. Përveç pronësisë së gazetës "Nova Makedonija", kompania e tij offshore është gjithashtu pronare shumice në të përjavshmen "Kapital". Kompania është gjithashtu pronare e "Permindex" holding, e cila ka nën pronësi kompaninë e prodhimit të verës "Stobi", një kompani bulmeti dhe një linjë për paketimin e frutave dhe zarzavateve të freskëta.

Jordanov dhe bashkëshortja e tij kanë një kompani të regjistruar në Vienë, Austri, të quajtur “Makmedikon Consulting GmbH”, e cila shfaqet si pronare e "Re-medika", spital privat. Disa biznse përfshijnë vajzat e tij Ana dhe Natasha.

Përmes kompanisë së tij të ndërtimit "Beton" nga Shkupi, ai fitoi kontrata me shuma të mëdha në ndërtimin e projektit “Shkupi 2014”, i cili ndryshoi fytyrën e qendrës së kryeqytetit të Maqedonisë. Për shkak të vështirësive operacionale dhe paaftësisë për të paguar për kërkesa të caktuara, kompania falimentoi vitin e kaluar.

Jordanov ka edhe një karrierë politike. Ai ka qenë zëvendëskryeministër për ekonominë në qeveri nga viti 2004 deri më 2006, pas të cilës ai bashkëthemeloi një parti politike.